About Me

My photo

A media professional;journalist-turned broadcaster and podcaster.

ഇ മലയാളം വായിക്കാനും എഴുതാനും ഇവിടെ ഞെക്കുക UNICODE MALAYALAM FONTS

Click here for Malayalam Fonts

Search This Blog

Sunday, 24 January 2010

സൈക്കിള്‍ മുതല്‍ സൈക്കിള്‍ വരെ...



1947 ആഗസ്റ്റ് 15.

ഇന്ത്യ സ്വാതന്ത്ര്യത്തിലേക്ക് കണ്‍തുറന്നതിന്റെ അത്യാഹ്ലാദത്തില്‍ പങ്കുചേരാന്‍ ചെങ്കോട്ടയിലെത്തിയ ജനസഞ്ചയത്തിന്റെ ഈ ചിത്രങ്ങളില്‍ എന്നെ ഏറ്റവുമധികം ആകര്‍ഷിച്ചത് ആ സൈക്കിളുകളായിരുന്നു.

കനത്ത സുരക്ഷയില്ല.തോക്കേന്തിയ പട്ടാളക്കാരില്ല.പഴയ നാട്ടിന്‍പുറത്തെ ചന്തയിലോ മൈതാനത്തോ വിശേഷാവസരങ്ങളില്‍ വൈകുന്നേരങ്ങളില്‍ ഒത്തുകൂടുന്ന സാധാരണക്കാരുടെ കൂട്ടത്തെ അനുസ്മരിപ്പിക്കുന്നു,അസുലഭമായ ആ ചരിത്രനിമിഷങ്ങള്‍‍ക്ക് സാ‍ക്ഷിയായ ഈ ജനസാഗരം.തലപ്പാവും ,തോളില്‍തൂക്കിയിട്ട കാലന്‍ കുടയും ,പിന്നെ സൈക്കിളുകളും ആ കാലഘട്ടത്തെ അടയാളപ്പെടുത്തുന്നു.അക്കാണുന്ന സൈക്കിളുകള്‍ അക്കാലത്ത് സാധാരണക്കാരുടെ വാഹനമായിരുന്നില്ല.ചെരിപ്പും റേഡിയോയും സൈക്കിളുമൊക്കെ സമൂഹത്തിലെ സമ്പന്നരുടേയും ഇടത്തരക്കാരുടേയും കുത്തകയായിരുന്നു.അവ അവരുടെ പദവികളുടെ ചിഹ്നങ്ങളായിരുന്നു.മണികെട്ടി, അലംകരിച്ച കാളവണ്ടികളും കുതിരവണ്ടികളുമായിരുന്നു അതീവസമ്പന്നരുടെ വാഹനങ്ങള്‍.

അതിനു ശേഷം കാലമെത്രയോ കടന്നുപോയി.ഇന്ന് രാഷ്ട്രം റിപ്പബ്ലിക് ദിനം ആഘോഷിക്കുമ്പോള്‍ വീണ്ടും ഈ ചിത്രങ്ങളിലെ സൈക്കിളുകള്‍ എന്നെ ത്രസിപ്പിക്കുന്നത് ഈ ഇരുചക്രചവിട്ടുവണ്ടിയെക്കുറിച്ചുള്ള ഗൃഹാതുരസ്മരണകള്‍ കൊണ്ടുമാത്രമല്ല.ചവിട്ടുവണ്ടി യുഗത്തില്‍ നിന്നും കാളവണ്ടിയുഗത്തില്‍ നിന്നും നാം ശാസ്ത്ര-സാങ്കേതിക രംഗത്തെ കുതിച്ചുചാട്ടങ്ങളിലൂടെ എത്രയോകാതങ്ങള്‍ മുന്നോട്ടുപൊയിരിക്കുന്നു.ഏതാനും വര്‍ഷങ്ങള്‍ക്കകം ഇന്ത്യക്കാര്‍ ചന്ദ്രനില്‍ കാലെടുകുത്തും.അപ്പോള്‍ ,ഇനിയും എന്തിനാണു നാം പഴയ സൈക്കിളിന്റെ കാര്യം പറയുന്നത്?

-അതു വിശദീകരിക്കുന്നതിനു ആമുഖമായി എന്റെ സൈക്കിള്‍ പ്രേമം കൂടി പറയേണ്ടതുണ്ടു.അതിനു നാലുപതിറ്റാണ്ടിന്റെ പഴക്കമുണ്ടു.പത്രപ്രവര്‍ത്തകനാകും വരെ അച്ഛന്‍ വാങ്ങിത്തന്ന റാലിസൈക്കിളായിരുന്നു സഞ്ചാരം.പിന്നെ കുറെക്കാലത്തെ ഇടവേളയ്ക്ക് ശേഷം നാട്ടിലൂടെ സൈക്കിള്‍ ചവുട്ടിപ്പോയപ്പോള്‍ ഒരു അത്ഭുതജീവിയെപ്പോലെ ജനം നോക്കുന്നതെന്തിനെന്ന് ആദ്യം മനസിലായതേയില്ല.ബന്ധുവായ ഒരു സ്ത്രീ തടഞ്ഞു നിര്‍ത്തി ഗുണദോഷിച്ചു:ഇതെന്താ ഈ ചെയ്യുന്നത്?നിങ്ങളെപ്പോലുള്ളവര്‍ സൈക്കിള്‍ ചവുട്ടുകയോ!ഛേ!

-എത്രപെട്ടെന്നയിരുന്നു,ഇടത്തരക്കാര്‍ സൈക്കിളിനെ ചവുട്ടിപ്പുറത്താക്കി സ്കൂട്ടറിലേക്കും ബൈക്കിലേക്കും പിന്നെ കാറിലേക്കും തിരിഞ്ഞത്.അങ്ങനെ,തൊണ്ണൂറുകളില്‍ സൈക്കിള്‍ നാട്ടിലെ മുതിര്‍ന്നവര്‍ക്കിടയിലെ പാവങ്ങളുടെ മാത്രം വാഹനമായി. റേഡിയോയെ പിന്നാമ്പുറത്തേക്കും പിന്നെ തട്ടിന്‍പുറത്തേക്കും തട്ടിയെറിഞ്ഞ് കേരളീയര്‍ ടെലിവിഷനെ സ്വീകരിച്ച അതേ കാലത്തുതന്നെയായിരുന്നു,ഇവിടെ സൈക്കിളുകളുടെ ശനിദശതുടങ്ങിയത്.നാട്ടിലെ പ്രൈമറിസ്കൂള്‍ അദ്ധ്യാപകരും പാര്‍ട്ടിക്കാരും പൊതുപ്രവര്‍ത്തകരും മുതല്‍ മീന്‍കാര്‍വരെ സൈക്കിളിനോടു അയിത്തം കല്‍പ്പിക്കാന്‍ തുടങ്ങി.(പക്ഷേ,പഴകാലത്തിന്റെ മായാത്ത കൈമുദ്രയായി,പ്രതീകമായി ഇപ്പോഴും പോസ്റ്റുമാന്മാര്‍ സൈക്കിളുകളില്‍ നാടുചുറ്റുന്നു.പോസ്റ്റ് മാന്റെ ബല്ലടി കേള്‍ക്കാന്‍ കാതോര്‍ത്തിരുന്ന ദിനങ്ങളുടെ മധുരസ്മരണകള്‍ ഇവിടെ ദീപ്തമാകുന്നു.എന്തേ, അവര്‍ മാത്രം ചുവടുമാറ്റുന്നില്ല?).

-എന്നിട്ടും സൈക്കിളിന്റെ മണിയൊച്ചകള്‍ നമ്മളുടെ നിരത്തുകളെ മുഖരിതമാക്കിയത് അത് കൌമാരക്കരുടെ ദേശീയവാഹനമായി ഇതിനകം വളര്‍ന്നതിനാലായിരുന്നു.അഷ്ടിക്കു വകയില്ലാത്ത പാവങ്ങളുടെ മക്കള്‍ പഠിക്കുന്ന സാദാ സ്കൂളുകളിലും അതീവസമ്പന്നരുടെ മക്കള്‍ മദിച്ചുനടക്കുന്ന പോഷ് സ്കൂളുകളിലും അത് കുട്ടികളുടെ സന്തതസഹചാരിയായി വളര്‍ന്നു.വംശ-വര്‍ഗ്ഗ വ്യത്യാസമില്ലാത്ത ഒരേയൊരു വാഹനം.പക്ഷേ,പത്തോ പന്ത്രണ്ടോ ജയിച്ചുകയറിയാല്‍ പിന്നെ കാശുള്ളവര്‍ക്ക് ഈ വാഹനം കാണുന്നത് തന്നെ അലര്‍ജിയായി മാറി.അവര്‍ ബൈക്കുകളില്‍ മാത്രം ചെത്തി നടക്കാനിഷ്ടപ്പെടുന്നു.അതാണു അവരുടെ സ്റ്റാറ്റസ് സിംബല്‍.പിന്നെയും സൈക്കിളുരുട്ടുന്നവര്‍ സമൂഹത്തിലെ ഏറ്റവും താണ ശ്രേണിയില്‍ പെട്ടവരായി മുദ്രയടിക്കപ്പെടുന്നു.അതാണു,പക്ഷേ, യാഥാര്‍ത്ഥ്യം.

ഇനി നമുക്ക് ലക്ഷദ്വീപിലേക്ക് പോകാം.

1993ലെ മണ്‍സൂണില്‍ കാറ്റിലും തിരമാല‍കള്‍ക്കും നടുവില്‍പ്പെട്ട് മൂന്നു ദിവസം അറബിക്കടലില്‍ കറങ്ങിത്തിരിഞ്ഞ് തീര്‍ത്തും അവശരായി കവറത്തി ജെട്ടിയില്‍ കൊടും മഴയത്ത് എത്തിയപ്പോള്‍,ഗസ്റ്റ് ഹൌസിലേക്ക് പോകാന്‍ ആകാശവാണിയുടെ ഔദ്യോഗികവാഹനം കാത്തുകിടക്കുന്നുണ്ടായിരുന്നു-തുരുമ്പെടുത്ത ഒരു റാലി സൈക്കിള്‍!ഭാര്യയേയും ഒന്നരവയസ്സുള്ള പുത്രനേയും പിന്നിലിരുത്തി ആ പവിഴദ്വീപിലൂടെ ആദ്യയാത്ര.ഗസ്റ്റ് ഹൌസിലെത്തിയപ്പോള്‍ അക്ഷമനായി അവിടെ കാത്തുനില്‍ക്കുകയാണു പി.പി.ശ്രീധരനുണ്ണി.രണ്ടു കിലോമീറ്റര്‍ അകലെയുള്ള ഹെലിപ്പാഡില്‍ നിന്ന് അദ്ദേഹത്തിനു അഗത്തിയിലേക്ക് പറക്കാനുള്ള സമയം അതിക്രമിച്ചിരിക്കുന്നു.കടല്‍ക്ഷോഭം മൂലം രണ്ടാഴ്ചയായി കൊച്ചിയില്‍ നിന്നുള്ള ടിപ്പുസുല്‍ത്താന്‍ കപ്പലിന്റെ യാത്രമുടങ്ങിയതിനാല്‍ ,കവരത്തി ആകാശവാണിയില്‍ പകരക്കാരനില്ലാതെ കുടുങ്ങിക്കിടക്കുകയായിരുന്നു അദ്ദേഹം.അന്ന്, വൈകിട്ട് രണ്ടരമണിക്കൂര്‍ മാത്രമേ അവിടെ പ്രക്ഷേപണമുള്ളൂ.അതിനുള്ള പാട്ടുകളുടേയും പ്രഭാഷണങ്ങളുടേയും നാടകങ്ങളുടേയും മറ്റും ടേപ്പുകളും എഴുത്തുസാമഗ്രികളുമൊക്കെയായി കേരളത്തിലെ ആകാശവാണി നിലയങ്ങളില്‍ നിന്ന് ഒരോ മാസവും ഒരാള്‍ കവരത്തിയില്‍ കപ്പലിറങ്ങും.അതേ പോലെ ടെക്നിക്കല്‍ വിഭാഗത്തിലും ഒരാളുണ്ടാകും.‍സാഹസികത ഇഷ്ടപ്പെടുന്നവര്‍ക്കുള്ളതായിരുന്നു ഈ ഉത്തരവാദിത്തം.സ്റ്റേഷനില്‍ സ്ഥിരമെന്ന് പറയാവുന്നത് ദ്വീപുകാരായ രണ്ട് താല്‍ക്കാലിക ജീവനക്കാര്‍.പിന്നെ, മംഗലാപുരത്ത് നിന്ന് വാങ്ങിയ,ഉപ്പുകാറ്റേറ്റ് അസ്തികൂടം മാത്രമായ രണ്ടു സൈക്കിള്‍.തൊട്ടടുത്ത ദൂരദര്‍ശന്‍ കേന്ദ്രത്തിലും ഇതുതന്നെയായിരുന്നു അവസ്ഥ.അവരുടെ സൈക്കിളിനു ഒരു പ്രത്യേകതയുണ്ടായിരുന്നു.അതിന്റെ ബാറില്‍ പഴയ ഐസ്ക്രീം വില്‍പ്പനക്കാരുടെ സൈക്കിളില്‍ കെട്ടിത്തൂക്കിയിട്ടിരുന്ന മണിയടിക്കാനുള്ള തുരുമ്പിച്ച ഇരുമ്പുകഷണത്തെ അനുസ്മരിപ്പിക്കുന്ന നെയിം പ്ലേറ്റില്‍ തനിദ്വീപ് മലയാളത്തില്‍ ഇങ്ങനെ എഴുതിവെച്ചിരുന്നു:ദൂരദര്‍ശന്‍ ,കവറത്തി!

ഗസ്റ്റ് ഹൌസിന്റെ പടിവാതിലില്‍ വെച്ച് തന്നെ ഞാന്‍ കവറത്തി സ്റ്റേഷന്റെ ചുമതല ഏറ്റുവാങ്ങി.ഇനി പകരക്കാരന്‍ കപ്പലിറങ്ങും വരെ ഞാനേകനാണു.സ്റ്റേഷന്‍ഡയറക്ടറുടെയും പ്രോഗ്രാം എക്സിക്യൂട്ടീവിന്റേയും അനൌണ്‍സറിന്റേയുമെല്ലാം ചുമതലകള്‍ ഒറ്റയ്ക്ക് നിര്‍വഹിക്കണം.കാര്യങ്ങള്‍ ഒറ്റയടിക്ക് ശ്രീധരനുണ്ണി വിശദീകരിച്ച് തന്നു.പിന്നെ വൈകിയില്ല;അദ്ദേഹം ഞങ്ങളുടെ രണ്ടാമത്തെ ഔദ്യോകികവാഹനത്തിന്റെ പിന്‍ സീറ്റില്‍ കയറി.ഞങ്ങള്‍ കൈവീശി.ശ്രീധരനുണ്ണിയേയും പിന്നിലിരുത്തി സൈക്കിള്‍ ഹെലിപാഡിലേക്ക് നീങ്ങി!പിന്നീടുള്ള ഒന്നരമാസം കവറത്തിയിലെ സര്‍വ്വവഴികളിലൂടെയും സകുടുംബം സസന്തോഷം രാവും പകലും സൈക്കിള്‍ സവാരിയായിരുന്നു. അന്ന് വെറും മൂന്ന് മോട്ടോര്‍ വാഹനങ്ങള്‍ മാത്രമായിരുന്നു കവറത്തിയിലുണ്ടായിരുന്നത്. 1996ലും ലക്ഷദ്വീപിലെത്തിയപ്പോള്‍ സൈക്കിള്‍ തന്നെയായിരുന്നു,എവിടെയും.

ഒരു ദശാബ്ദത്തിനപ്പുറം 2008ല്‍ കടമത്ത് ദ്വീപില്‍ നിന്ന് കവറത്തിയില്‍ കപ്പലിറങ്ങിയപ്പോള്‍ കണ്ടത് , ‍ജെട്ടിനിറയെ നൂറുകണക്കിനു ടൂവീലറുകളും കാറുകളും.ഇടുങ്ങിയ റോഡുകളിലൂടെ കാല്‍നടയാത്രപോലും ദുഷ്കരമാക്കിക്കൊണ്ടു അവ തിങ്ങിഞെരുങ്ങിപ്പോകുന്നു.ദ്വീപു പുരോഗമിച്ചപ്പോള്‍ അവര്‍ സൈക്കിളിനെ ഉപേക്ഷിക്കാന്‍ തുടങ്ങി.നാലുകിലോമീറ്ററില്‍ താഴെമാത്രം നീളമുള്ള കവറത്തി ഇന്ന് വാഹനപ്പെരുപ്പത്തില്‍ വീര്‍പ്പുമുട്ടുന്നു.അന്തരീക്ഷം വിഷലിപ്തമാണു.ആവശ്യമില്ലാതെ വാഹനങ്ങള്‍ വാങ്ങിക്കൂട്ടി കോടിക്കണക്കിനു രൂപ അവര്‍ വെറുതെ ചെലവാക്കുന്നു.പത്തേമാരികളില്‍ വന്‍കരയില്‍ നിന്ന് ഇനിയും മോട്ടോര്‍വാഹനങ്ങള്‍ ദ്വീപിലിറങ്ങിയാല്‍ അവിടെ വാഹനാപകടങ്ങള്‍ ക്രമാതീതമായി പെരുകും;ജനജീവിതം തന്നെ ദുസ്സഹമാകും.ദ്വീപുകാര്‍ക്ക് ഇനി നിലനില്‍ക്കണമെങ്കില്‍ സൈക്കിളിലേക്ക് തന്നെ മടങ്ങണം.അനതിവിദൂര ഭാവിയില്‍ ജനങ്ങള്‍തന്നെ അതിനു മുന്നിട്ടിറങ്ങും.

ഫ്രാന്‍സിലും,കാനഡയിലും,സ്വീഡനിലും,ബ്രിട്ടണിലും,ജെര്‍മനിയിലും നെതര്‍ലന്റിലുമൊക്കെ സംഭവിച്ചത് ഇതായിരുന്നു.അവിടെ ഗതാഗതക്കുരുക്കിലും അന്തരീക്ഷമലിനീകരണത്തിലും പൊറുതിമുട്ടിയ ജനം സൈക്കിളിലേക്ക് തിരിഞ്ഞു.ചൈനയുടെ ദേശീയവാഹനമാണു സൈക്കിള്‍.ഫാഷന്റെ നഗരമായ പാരീസില്‍ അടുത്തിടെ ലോകശ്രദ്ധയാകര്‍ഷിച്ച ഒരു വിപ്പ്ലവം നടന്നു.2007 ജൂലൈയില്‍ പാരീസില്‍ ‘VELIB' എന്ന പേരില്‍ കമ്മ്യൂണിറ്റി സൈക്കിള്‍ സമ്പ്രദായം നിലവില്‍ വന്നു.സ്വന്തമായി സൈക്കിളില്ലാത്തവര്‍ക്ക് റോഡ് വക്കത്തെ 800 സ്റ്റാന്റുകളില്‍ നിന്ന് സൈക്കില്‍ എടുത്ത് സവാരി നടത്തുന്നതിനു സൌകര്യമൊരുക്കിയ പദ്ധതിയാണിത്.10600 സൈക്കിളുകളുമായി ആരംഭിച്ച ഈ പദ്ധതി വന്‍ വിജയമായിരുന്നു.ആദ്യമാസം തന്നെ 16 ലക്ഷം പേരായിരുന്നു സൈക്കിള്‍ എടുത്തത്.സ്മാര്‍ട്ട്കാര്‍ഡുകളും മൊബൈല്‍ഫോണും മുഖേനയാണു ഇലക്ട്രോണിക്കലായി ഇത് ഓപ്പറേറ്റ് ചെയ്യുന്നത്.സൈക്കിള്‍ വേണ്ടവര്‍ നിശ്ചിത ഡെപ്പോസിറ്റ് തുക ഓണ്‍ലൈന്‍ ട്രാന്‍സ്ഫറിലൂടെ അടച്ച് ഇതില്‍ ചേരുന്നു.അവര്‍ക്ക് ഫീസ് ഈടാക്കി സൈക്കിള്‍ നല്‍കുന്നു.യാത്രകഴിഞ്ഞ് അത് അടുത്തുള്ള സ്റ്റാന്റില്‍ ഏല്‍പ്പിച്ചാല്‍ മതി.എല്ലാം യന്ത്രവത്കൃത സംവിധാനത്തിലൂടെയാണു നടക്കുന്നത്.മുന്‍പ് ചില രാജ്യങ്ങലില്‍ ഈ പദ്ധതി തുടങ്ങിയെങ്കിലും സൈക്കിള്‍ മോഷണം കാരണം പരാജയപ്പെടുകയായിരുന്നു.ആംസ്റ്റര്‍ഡാമിലും ,കാലാവസ്ഥാ ഉച്ചകോടി നടന്ന കോപ്പണ്‍ഹേഗനിലുമൊക്കെ ഇന്ന് ‘ഫ്രീഡം ബൈക്ക്’ എന്ന് കൂടി അറിയപ്പെടുന്ന കമ്മ്യൂണിറ്റി സൈക്ലിങ്ങ് പരിപാടി വിജയകരമായി നടന്നുവരുന്നു.

പാരീസില്‍ മുനിസിപ്പല്‍ കോര്‍പ്പറേഷന്റെ നേതൃത്വത്തിലാണു ‘വേലിബ്” നടപ്പിലാക്കിയത്.അതിനു ഖജനാവില്‍ നിന്ന് കാശൊന്നും ചെലവായില്ല.ഒരു പോസ്റ്റര്‍ പരസ്യക്കമ്പനിയായിരുന്നു സൈക്കിളുകള്‍ വാങ്ങി നല്‍കിയത്.പകരം പാരീസ് നഗരത്തിന്റെ ചില ഭാഗങ്ങളില്‍ പരസ്യം പതിക്കാന്‍ മേയര്‍ അവര്‍ക്ക് അനുമതി കൊടുത്തു.രാത്രി ഒരു മണിക്ക് ശേഷമാണത്രേ ‍സൈക്കില്‍ സവാരിക്കാര്‍ ഏറുന്നത്.അതിനു ഒന്നിലധികം കാരണങ്ങളുണ്ടു.ആ സമയത്ത്,രാത്രിപാര്‍ട്ടികള്‍ ‍കഴിഞ്ഞ് പൂസ്സായി വണ്ടിഓടിച്ചാല്‍ പൊലീസ് പിടിക്കും.അപ്പോള്‍ അഭികാമ്യമായത്,സൈക്കിളെടുത്ത് വീട്ടിലേക്ക് ചവിട്ടുക തന്നെ!പിന്നെയും സൌകര്യങ്ങളുണ്ടു.ഹെല്‍മറ്റ് വേണ്ട.പൊല്യൂഷന്‍ മാസ്ക് ധരിക്കേണ്ട.

ഗ്രീന്‍പാര്‍ട്ടിയും പരിസ്ഥിതിവാദികളും കമ്യൂണിറ്റി സൈക്ലിങ്ങിനെ അകമഴിഞ്ഞു പിന്തുണയ്ക്കുന്നുണ്ടു.ആഗോളതാപനത്തിനെതിരായ വലിയൊരു കാല്‍വെയ്പ്പായി ഇതിനെ വിശേഷിപ്പിക്കുന്നവരുണ്ടു.ഫോസില്‍ ഇന്ധനങ്ങളുടെ ഉപയോഗം പരമാവധി കുറയ്ക്കുകവഴി അന്തരീക്ഷഠിലെ കാര്‍ബണ്‍ നിര്‍ഗ്ഗമനം കുറയുന്നു.അന്തരീക്ഷമലിനീകരണവും അങ്ങനെ അഗോളതാപന സാദ്ധ്യതയും കുറയുന്നു.

ജീവിതശൈലീ രോഗങ്ങളാല്‍ ബുദ്ധിമുട്ടുന്നവര്‍ക്ക് ആരോഗ്യം നിലനിര്‍ത്താനുള്ള ഏറ്റവും ലളിതവും ചെലവുകുറഞ്ഞതുമായ മാര്‍ഗ്ഗമാണു സൈക്ലിങ്ങു.പ്രത്യേകിച്ച്, യാതൊരു ശാരീരികാദ്ധ്വാനവും ചെയ്യാതെ ,പത്തുമണിക്കൂറോളം പ്രതിദിനം ‍റിവോള്‍വിങ്ങ് ചെയറിലിരിക്കുന്ന ഐ.ടി പ്രൊഫഷണലുകള്‍ക്ക്.അതുകൊണ്ടു തന്നെ,ബംഗളൂരില്‍ അധികൃതര്‍ കമ്മ്യൂണിറ്റി സൈക്ക്ലിങ്ങ് പദ്ധതി നടപ്പിലാക്കുന്നതിനെക്കുറിച്ച് ആലോചിക്കുന്നു എന്ന വാര്‍ത്ത ഏറെ പ്രതീക്ഷനല്‍കുന്നു.മഹാനഗരങ്ങളിലടക്കം ഇന്ത്യയില്‍ എല്ലായിടത്തും തദ്ദേശസ്വയംഭരണ സ്ഥാപനങ്ങള്‍ മുങ്കൈയ്യെടുത്ത് സ്വകാര്യസംരംഭകരുടെ സഹകരണത്തോടെ അനായാസം നടപ്പിലാക്കാവുന്നതാണു ഈ പദ്ധതി.സര്‍ക്കാരിന്റെ ആരോഗ്യ,സ്പോര്‍ട്ട്സ് വകുപ്പുകളുടെ ബജറ്റ് വിഹിതത്തിന്റെ ഒരു വിഹിതവും ഇതിനായി നീക്കി വെക്കണം.മായാവതി സര്‍ക്കാര്‍ ചെയ്തതു പോലെ പത്താം ക്ലാസ് പാസകുന്ന എല്ലാ പെണ്‍കുട്ടികള്‍‍ക്കും മറ്റു സംസ്ഥാനങ്ങളിലും സര്‍ക്കാരുകള്‍ സൈക്കിള്‍ സമ്മാനമായി നല്‍കട്ടെ.ഈ പദ്ധതി ഹൈസ്കൂള്‍ തലം തൊട്ടു തന്നെ തുടങ്ങുകയാണെങ്കില്‍ നന്ന്.

കോപ്പണ്‍ഹേഗന്‍ ഉച്ചകോടിയുടെ സന്ദേശം ഉള്‍കൊണ്ടുകൊണ്ടു സര്‍ക്കാരിനു കര്‍മ്മപഥത്തിലിറങ്ങാന്‍ സമയമായി.അവര്‍ ആദ്യം ചെയ്യേണ്ടത് സൈക്കിളുകളുടെ മേലുള്ള എല്ലാ നികുതികളും എടുത്തുകളയുകയും ,എല്ലാ റോഡുകളിലും സൈക്കിള്‍ ബേകള്‍ നിര്‍മ്മിക്കാന്‍ തുക വകയിരുത്തുകയുമാണു.ആസൂത്രിതനഗരമായ ചണ്ഡിഗറിലെ പ്രധാനനിരത്തുകളില്‍ സൈക്കിള്‍ യാത്രക്കാര്‍ക്കായി പ്രത്യേക ഇടം ഒരുക്കിയിട്ടുണ്ടു.ആ മാതൃക മറ്റിടങ്ങളിലും പിന്തുടരാവുന്നതാണു.

പാരീസിലെ പച്ചപരിഷ്കാരികള്‍ മാത്രമല്ല,‍ ഇന്ത്യയിലെ സിലിക്കണ്‍ വാലിയിലെ കനത്ത ശമ്പളം വാങ്ങുന്ന ഐ.ടി പ്രൊഫഷണലുകള്‍ വരെ സൈക്കിളില്‍‍ സഞ്ചരിക്കുന്ന കാലം വരുകയാണോ?

-സൈക്കിളില്‍ തുടങ്ങി നാം സൈക്കിളില്‍ മടങ്ങിയെത്തുകയാണു!സൈക്കിളിനെ പുതിയ അര്‍ത്ഥതലങ്ങളില്‍ കണ്ടെത്തുകയാണു.

16 comments:

chithrakaran:ചിത്രകാരന്‍ said...

അതെ... സൈക്കിളിലേക്ക് നമ്മള്‍ മാറേണ്ടിയിരിക്കുന്നു.
കവരത്തിയിലെ സ്വന്തം അനുഭവം കൂടി ചേര്‍ന്നപ്പൊള്‍
നല്ല പോസ്റ്റ്. ഇതു പ്രിന്റ് മീഡിയയില്‍ കൂടി പ്രസിദ്ധീകരിക്കേണ്ട ലേഖനം.

റ്റോംസ് കോനുമഠം said...

പ്രദീപേട്ടാ,

വെണ്ണപ്പാളികള്‍ എന്ന പുസ്തകം ഞാന്‍ വായിച്ചിട്ടൂണ്ട്.
എന്റെ ഒരു പുസ്തകവും ഉണ്മയാണ്‌ പ്രസിദ്ധീകരിച്ചത്.
മോഹനേട്ടന്റെ ഉണ്മയില്‍ ഒരുകാലത്ത് ഞാനും എഴുതിയിരുന്നു.
നല്ല വായന സമ്മാനിച്ച താങ്കള്‍ക്ക് ആശംസകള്‍..!!
എന്റെ ബ്ലോഗിലും ജോയിന്‍ ചെയ്യണേ...
www.tomskonumadam.blogspot.com

സത്യാന്വേഷി said...

സൈക്കിളിലേക്ക് മടങ്ങുക എന്നത് പരിസ്ഥിതിയെ സംരക്ഷിക്കണമെന്ന് ആഗ്രഹമുള്ള ഏതു ജനതയുടെയും ബാധ്യതയാണിന്ന്.മികച്ച ലേഖനം.ചിത്രകാരന്‍ പറഞ്ഞപോലെ പ്രിന്റ് മീഡിയയിലും വരണമിത്.

ആരുഷിയുടെ ലോകം said...

വളരെ നല്ല ഒരു പോസ്റ്റ്‌

ബ്ളോഗില്‍ മാത്റം ഒതുങ്ങാതെ ഇതു വല്ല വാരാന്ത പതിപ്പില്‍ പ്റസിധീകരിക്കണേ

നല്ല വായനാനുഭവം ആയിരുന്നു
കാലിക പ്റസക്തവും

കാക്കര - kaakkara said...

ഒരു സൈക്കിൽ യാത്ര കാസർഗോഡിൽ നിന്ന്‌ തുടങ്ങി ഇന്നലെ തിരുവനന്തപുരത്ത്‌ അവസാനിച്ചു.

ഒരേ സമയം ശാരീരിക വ്യയാമമും പ്രകൃതി അനുയോജ്യവും.

മാർക്ക്‌ ചെയ്‌ത സൈക്കിൽ പാതകൾ വേണം. എല്ലാ പൊതു കവലകളിലും ബസ്സ്‌ സ്റ്റാന്റുകളിലും വിദ്യാലയങ്ങളിലും മറ്റും കവർ ചെയ്‌ത സൈക്കിൾ ഷെഡുകൾ പണിയുക.

ബൈക്കിൽ യാത്ര സഘടിപ്പിക്കുന്ന പാർട്ടി / സമൂഹിക പ്രവർത്തകരെ, ഇനി സൈക്കിളിൽ യാത്ര സഘടിപ്പിക്കുക.

പെട്രോളിന്‌ വില കൂട്ടുമ്പോൽ "കരയുന്ന" യുവതി യുവാക്കളെ ഒരു സൈക്കിൽ വാങ്ങി ആവശ്യത്തിനനുസരിച്ച്‌ സൈക്കിളും ബൈക്കും മാറി മാറി ഉപയോഗിക്കുക.

പ്രകൃതി സ്നേഹികളെ പരിസ്ഥിതി വാദികളെ "കണ്ണടച്ച്‌" പ്രകൃതിയെ സ്നേഹിക്കാതെ കാലത്തിനനുസരിച്ച്‌ സ്നേഹിക്കാൻ പഠിക്കുക.

vasanthalathika said...

മനസ്സിലേയ്ക്ക് കടന്നുവന്നത് നമ്മുടെ പഴയ മലയാലസിനിമകളിലെ നായകന്മാരുടെ ഗ്രാമയാത്രകലാണ്.'സ്വര്‍ഗതെയ്ക്കാല്‍ സുന്ദരമാണീ ..'' പ്രേമ്നസീരിന്റെയൊരു പ്രേമസന്ചാരം..സായി ക്കില്‍ കടക്കാത്ത ഊടുവഴികലില്ല..പിന്നെ വഴിവാനിഭാക്കരുറെ കച്ചവടയാത്രകള്‍..സയ്ക്കിലിനു ഒരു ഉയിര്തെഴുന്നെല്പ്പു ഉണ്ടായാല്‍ നന്ന്..

ചാണക്യന്‍ said...

നല്ല പോസ്റ്റ് മാഷെ....

തിരിഞ്ഞു ചിന്തിക്കേണ്ട കാലം അതിക്രമിച്ചിരിക്കുന്നു...

ഡി പ്രദീപ്‌ കുമാര്‍ d.pradeep kumar said...

നല്ല വാക്കുകൾക്ക് നന്ദി;സന്തോഷം.
തൃശൂരിലെ ഒരു സിനിമാതീയറ്ററിൽ ഇങ്ങനെ എഴുതിവെച്ചിട്ടുണ്ട്:ഓട്ടോ റിക്ഷകൾ പാർക്ക് ചെയ്യാൻ അനുവദിക്കില്ല.
-അപ്പോൾ സൈക്കിളിന്റെ കാര്യമോ?നഗരപ്രദേശങ്ങളിലെ മിക്ക തീയറ്ററുകളിലും ഹോട്ടലുകളിലും സൈക്കിളിനു പ്രവേശനമില്ല എന്ന് അറിയുമോ?
അവിടെ എങ്ങനെയാണു,സ്നേഹിതരേ?

കാക്കര - kaakkara said...

പ്രദീപ്കുമാർ,

സൈക്കിൾ നിരോധിച്ചിറ്റുണ്ടെങ്ങിൽ അത്‌ ഒത്തിരി കടന്ന കൈ തന്നെ.

ഇവിടെയെല്ലാം സൗജന്യ സൈക്കിൾ പാർക്കിംഗ്‌ അനുവദിക്കണം. ഒരു നിയമം തന്നെ പാസ്സാക്കണം. ഒരു മലിനികരണവുമില്ലാത്ത എന്നൽ വളരെ ഗുണങ്ങലുള്ള ഒരു വാഹനത്തെ അവഗണിക്കരുത്‌.

കൂതറHashimܓ said...

“യുവതി യുവാക്കളെ ഒരു സൈക്കിൽ വാങ്ങി ആവശ്യത്തിനനുസരിച്ച്‌ സൈക്കിളും ബൈക്കും മാറി മാറി ഉപയോഗിക്കുക”
ഇതിഷ്ട്ടായി..കാരണം ഞങ്ങടെ നാട്ടിൽ കുന്നും കുഴിയും ഒത്തിരി ഉള്ളതോണ്ട് കൂടുതൽ ദൂരം സൈക്കിൾ യാത്ര പറ്റില്ലാ.. കയറ്റം ചവുട്ടികയറണതിലും നല്ലത് നടന്നു കയറണതാ

കാക്കര - kaakkara said...

കൂതറഹാഷിം,

ഒരു തിരുത്ത്‌.

യുവതി യുവാക്കളെ ഒരു സൈക്കിൾ വാങ്ങി ആവശ്യത്തിനനുസരിച്ച്‌ സൈക്കിളും ബൈക്കും "ചെരിപ്പും" മാറി മാറി ഉപയോഗിക്കുക.

ചുമ്മാ തിരുത്തിയതാണെ, ഇനിയിപ്പോൾ ഇതിനെ തിരുത്തി കളിച്ചേക്കലെ...

Unni's said...

ഇതൊന്നും ഇവിടുതെ രാഷ്ട്ട്രീയക്കാര്‍ക്കു മനസ്സിലാകില്ല.
സൈക്കിളിനെ കുറിച്ചൊര്‍മ്മിപ്പിച്ചതിനു നന്ദി.
സസ്നെഹം
ഉണ്ണിക്കൃഷ്ണ്ണന്‍ നായര്‍

joe said...

Dear Pradeep,
Thank you for the call to 'green' way of life. Our streets are scary and crowded in kerala, yet something to think about. Thanks. Delighful! Fr. Jose.

poor-me/പാവം-ഞാന്‍ said...

When we come back to cycling the cycle will be completed!

K.P.SUKUMARAN said...

ലേഖനം നന്നായിട്ടുണ്ട്... എല്ലാ രംഗത്തും പുരോഗതി പുരോഗതി എന്ന് എല്ലാവരും ഇന്നും മുറവിളി കൂട്ടുന്നുണ്ടെങ്കിലും യഥാര്‍ത്ഥത്തില്‍ അധോഗതിയിലേക്കാണ് ഇന്നത്തെ പോക്ക്. പ്രകൃതിയിലേക്ക് തിരിച്ചു പോകേണ്ട അവസ്ഥയിലാണ് നമ്മള്‍ ഇന്ന്. പുരോഗതിയിലേക്കുള്ള ഇന്നത്തെ വെറി പിടിച്ച ഈ പോക്ക് സത്യത്തില്‍ സര്‍വ്വനാശത്തിലേക്കാണ്. പക്ഷെ മനുഷ്യര്‍ക്ക് ഇനി തിരിഞ്ഞു നടക്കാന്‍ കഴിയുമെന്ന് തോന്നുന്നില്ല. അപരിഹാര്യമായ വിനാശത്തിലേക്കുള്ള ഈ കുതിപ്പ് ആര് മുന്നറിയിപ്പ് നല്‍കിയാലും കൂടുതല്‍ വേഗതയില്‍ തുടരാനുള്ള സാധ്യതയേ കാണുന്നുള്ളൂ. അല്ലെങ്കിലും എല്ലാറ്റിനും ഒരന്ത്യം വേണമല്ലൊ. അതിത്തിരി നേരത്തെയാക്കിയാല്‍ എന്തിരിക്കുന്നു. ചിന്തിക്കുന്നവര്‍ക്ക് ആകുലപ്പെടാം എന്ന് മാത്രം!

അശോക് കർത്താ said...

നല്ല വായന

Followers

Google+ Followers

MY BOOKS -1

MY BOOKS -1
(അ)വര്‍ണ്ണാശ്രമത്തിലെ വെണ്ണപ്പാളികള്‍(ലേഖന സമാഹാരം),ഉണ്മ പബ്ലിക്കേഷന്‍സ്,നൂറനാട് പിന്‍ 690504.വില 55 രൂപ പുസ്തകങ്ങളുടെ കവര്‍-ബി.എസ്.പ്രദീപ് കുമാര്‍

MY BOOKS-2

MY BOOKS-2
സൂക്ഷ്മദര്‍ശി‍നി(ലേഖന സമാഹാരം),ഉണ്മ,നൂറനാട്.വില 55 രൂപ

Follow by Email

GREENRADIO-1

GREENRADIO-1
CLICK FOR MORE PODCASTS

GREENRADIO-2 -ഒ.എൻ.വിയുടെ “സോജ”ആർ.വിമലസേനൻ നായർ ആലപിക്കുന്നു

NEW PODCASTS IN GREENRADIO-2

GREENRADIO-3 ചക്ക മാഹാത്മ്യം കേൾക്കൂ Written by d pradeep kumar

മധുരിക്കും ഓര്‍മ്മകളേ... നാടക ഗാനം

Labels

(അ)വർണ്ണാശ്രമത്തിലെ വെണ്ണപ്പാളികൾ (1) 100th POST;FIVE QUESTIONS IN CONNECTION WITH INTERNATIONAL WOMEN'S DAY (1) 4.5 ശതമാനം ഉപസംവരണം/മുസ്ലീം ആധിപത്യം/സാമൂഹികം/ ലേഖനം/ അക്ഷയ/മുഗള്‍ / (1) A SATITRE (1) Aalkkoottam inland magazine (1) ABHAYA MURDER CASE AND MEDIA (2) AII India Radio (1) AMBEDKAR GREEN ARMY (1) ANNA HAZARE (1) ASSEMBLIES (1) AUTO DRIVERS IN KOZHIKODE (1) BABA AMTE (1) BAN ON TEACHERS WEARING SAREE IN KERALA (1) BANGALURU (1) CAPSULES (1) CASTE IN POLITICS (1) CHENGARA LAND STRUGGLE TO NEW HEIGHTS (1) Church in Kerala (2) COMMUNITY CYCLING IN PARIS (1) CORRUPTION IN HIGHER EDUCATION SECTOR (1) CULTURAL OUTRAGE IN THE NAME OF KHADI IN KERALA (1) CULTURAL POLICE IN KERALA (1) CYBER ACT (1) cyber crime case against blogger (2) CYBER TERRORISM (1) CYCLING IN LAKSHADWEEP (1) D.Parameswaran Potti (1) DEEMED UNIVERSITIES (1) DR VERGHESE KURIEN (1) DUDABHAI (1) FILMREVIEW (1) first F.M station in Kerala (1) G M FOODS (1) GLOBAL WARMING AND KERALA (1) GOA (1) GREEN RADIO PODCASTS (1) GREEN RADIO-PODCAST (1) GREEN RADIO-എങ്ങനെ കേള്‍ക്കാം (1) greenradio podcasts (1) HEALTH TOURISM IN INDIA (1) HINDUSTANI MUSIC IN KERALA (1) HUMOUR (1) I T PROFESSIONALS (1) I too had a dream (1) IFFI 2011 (1) INDIA BEYOND COPENHAGEN (1) Indian Performing Rights (1) Indian tie (1) IT'S MAN-MADE (1) JASMINE REVOLUTION (1) JASMINE REVOLUTION IN INDIA (1) JUDICIARY (1) JUSTICE CYRIAC JOSEPH (1) KASARGODE DWARF (1) KERALA MUSLIMS AND DEMOCRACY (1) KERALA.KARNATAKA (1) KOCHI METRO (1) Kochi F M (1) LIFE STYLE OF KERALA BENGAL LEADERS:A STORY IN CONTRAST (1) Little Magazines in Kerala (1) local radio station (1) LOK PAL BILL (1) LOKAYUKTHA (1) MAHATMA GANDHI (2) MAKARAJYOTI FARCE (1) MANGALA DEVI TEMPLE (1) MARTIN LUTHER KING JNR (1) Mavelikara (1) MEDIA IN KERALA (1) MY BOOKS (2) national heritage animal (1) Nationalisation of segregated graveyards (1) NEGATIVE VOTING RIGHT (1) NEIGHBOURHOOD SCHOOLS (1) NIGHT LIFE (1) OCCUPY WALL STREET (2) Onam (2) ONAM AND TV SHOWS IN KERALA (1) PAIDNEWS (1) parallel publications in Malayalam (1) Poverty in America (1) QUALITY OF KWA TAP WATER (1) QUEEN'S ENGLISH IN KERALA (1) RACIAL DISCRIMINATION AGAINST WOMEN AND DALITS BY KERALA PRESS (1) Real estate on Moon (1) REFERENDUM ON MAJOR DECISIONS (1) RELIGION OF ELEPHANTS IN KERALA? (1) ROYALTY TO MUSIC PERFORMANCES (1) SATIRE (4) SEX (1) SOCIAL ILLITERACY IN KERALA (1) STATUES (1) SUBHA MUHOORTHA FOR CAESAREAN SURGERY (1) SUBHASH PALEKAR (1) SUFI PARANJA KATHA (1) SUPERSTITION AT SABARIMALA (1) SUTHARYAKERALAM: A HIGHTECH FARCE (1) SWINE FLUE AND MEDIA (1) THE CHURCH ON CHILD- MAKING SPREE (1) THE FOOD SECURITY ARMY IN KERALA (1) THE MAKING OF GOONDAS IN KERALA. (1) THE PLIGHT OF THE AGED IN KERALA (1) THE RIGHT TO FREE AND COMPULSORY EDUCATION BILL (1) THE SILENT MINORITY:BACKBONE OF INDIAN DEMOCRACY (1) THEKKADI (1) Thoppippala (1) URBANISATION (1) V.Dakshinamoorthy (1) VECHUR COWS (1) VELIB.FREEDOM BIKE (1) VOTERS IN THE CYBER WORLD/സാക്ഷരത/നവമാദ്ധ്യമങ്ങൾ (1) WHY DO PEOPLE DIE OF COLDWAVES IN NORTH INDIA? (1) woman paedophile (1) WOMEN RESERVATION IN PARLIAMENT (1) അക്ബറാന (1) അക്ഷയതൃതീയ (1) അക്ഷയതൃതീയ AKSHAYATHRUTHIYA (1) അഗസ്റ്റിൻ ജോസഫ് (1) അങ്കിൾ ജഡ്ജ് സിൻഡ്രോം” (1) അതിവേഗപാത (1) അതിശൈത്യമരണങ്ങൾ (1) അനുഭവം (1) അംബേദ്കർ (2) അംബേദ്കർ ഗ്രീൻ ആർമി (1) അമുൽ (1) അമേരിക്കയിലെ ദരിദ്രർ (1) അയ്യങ്കാളി (1) അഷ്ടമംഗലദേവപ്രശ്നം (1) ആട്-തേക്ക്-മാഞ്ചിയം (1) ആർ.വിമലസേനൻ നായർ (1) ആര്‍ഭാടങ്ങള്‍ (1) ആൽബർട്ടോ ഗ്രനാഡോ (1) ആള്‍ക്കൂട്ടം (2) ആൾക്കൂട്ടം ഇൻലന്റ്‌ മാസിക (1) ഇന്ത്യ (1) ഉഴവൂര്‍ (1) എം.എ.എസ് (1) എ.എൻ.സി (1) എം.എഫ് ഹുസൈൻ (1) എംബെഡഡ് ജേർണ്ണലിസം/ അയ്യങ്കാളി (1) എസ്.എൻ.ഡി.പി (1) ഏംഗത്സ് (1) ഏട്ടിലെ പശു (1) ഏഷ്യാഡ് (1) ഐ.എസ്.അര്‍.ഓ (1) ഒക്യുപൈ വാൾ സ്ട്രീറ്റ് (1) ഒക്സിജന്‍ പാര്‍ലർ (1) ഒറ്റപ്പാലം (1) ഒറ്റയാൾ (1) ഓ.എൻ.വി (1) ഓഡിയോ (1) ഓണം (1) ഓർമ്മകൾ (1) ഓർമ്മയാണച്ഛൻ (1) കഞ്ഞി (1) കണ്ടതും കേട്ടതും (1) കൻഷിറാം (1) കവരത്തി (1) കവിതാലാപനം (2) കള്ളപ്പണം (1) കാർഷിക യന്ത്രവത്കരണം (1) കാർഷിക വിപ്ലവം (1) കാർഷികം/ ലേഖനം/ബ്ലാക്ക്ബെറി/മിൽക്കി ഫ്രൂട്ട്/അവക്കാഡോ/ദുരിയാൻ/റമ്പൂട്ടാൻ (1) കാല്‍കഴുകിച്ചൂട്ടൽ (1) കാൽകഴുകിച്ചൂട്ടൽ (1) കാസർകോഡ് ഡ്വാർഫ് (1) കാളന്‍ (1) കാളയിറച്ചി (1) കീഴാചാരം (1) കുഞ്ഞപ്പ പട്ടാന്നൂർ (1) കുറിപ്പ്‌ (1) കൂറുമാറ്റം (1) കൃഷ്ണയ്യർ (1) കെ.ആർ.ടോണി (1) കെ.ആര്‍.നാരായണന്‍ (1) കെ.ഗിരിജ വർമ്മ (1) കെ.ഗിരിജാവർമ (1) കെ.വി.ഷൈൻ (1) കോണകം (1) ക്ലാസിക്ക് മെട്രോ (1) ക്ഷേത്രപ്രവേശനം (1) ഖവാലി (1) ഗജ ദിനം (1) ഗിരിപ്രഭാഷണം (1) ഗീർ പശു (1) ഗുണ്ടായിസം (1) ഗുണ്ടാരാജ് (1) ഗുരുവായൂർ (1) ഗോൾചെറെ (1) ഗ്രാമസഭ (1) ഗ്രീൻ കേരള എക്സ്പ്രസ് (1) ഗ്രീൻ റേഡിയോ പോഡ്കാസ്റ്റ് (2) ചണ്ഡിഗർ (1) ചന്ദ്രൻ (1) ചരിത്രം (1) ചലച്ചിത്രനിരൂപണം (1) ചലച്ചിത്രവിചാരം-ഒരെ കടല്‍ (1) ചിഡ് വാര (1) ചിത്രകാരൻ (2) ചൂടുവെള്ളത്തിൽ വീണ (1) ചെ ഗുവേര (1) ചെങ്ങറ (2) ചൊവ്വാ (1) ജഗ്ജ്ജീവന്‍ റാം (1) ജനകീയകോടതി (1) ജനാധിപത്യംANTI-DEFECTION LAW AND INDIAN DEMOCRACY (1) ജാവേദ് അക്തർ (1) ജീവത്സാഹിത്യംശശി തരൂർ (1) ജുഡീഷ്യറിയിലെ അഴിമതി/ കെ.ജി.ബാലകൃഷ്ണൻ (1) ജ്ഞാനഗുരു (1) ടോപ്പ്ലസ് (1) ടോൾ (1) ഡൽഹി (1) ഡോ ജോൺ മത്തായി (1) ഡ്രസ് കോഡ് (1) തഥാഗതൻ (1) താതാ നിന്‍ കല്പനയാല്‍ (1) താഹ്രീർ സ്കൊയർ (1) തൃപ്പൂത്താറാട്ട് (1) തെമ്മാടിക്കുഴി (1) തോർത്ത്‌ (1) ത്യാഗികൾ (1) ത്രിവര്‍ണ്ണപതാക (1) ദ കിഡ് വിത്ത് എ ബൈക്ക് (1) ദളിത് (1) ദാരിദ്ര്യരേഖ (1) ദൃഷ്ടിപഥം (17) ദേശീയ ഉത്സവം (1) ദേശീയ പതാക-TRIBUTE TO KAMALA DAS;RECITATION OF HER POEM IN MALAYALAM (1) ധവളവിപ്ലവം (1) നക്ഷത്രഫലം (1) നര്‍മ്മം (1) നർമ്മം (2) നർമ്മദ (1) നല്ലതങ്ക (1) നവമാദ്ധ്യമങ്ങൾ (1) നവവത്സരാശംസകള്‍‍ (1) നസീറാന (1) നാഗസന്യാസിമാർ (1) നാരായണ പണിക്കർ (1) നെൽസൺ മണ്ടേല (1) നേർച്ചസദ്യ (1) പരിഹാരക്രിയ (1) പി.ഉദയഭാനു (3) പി.ഭാസ്‌കരന്‍ (1) പി.സായ് നാഥ് (1) പിണറായി (1) പുസ്തകനിരൂപണം (1) പൂന്താനം (1) പൈതൃകമൃഗം (1) പൊതുസീറ്റുകൾ (1) പൊന്നമ്പലമേട് (1) പൊർഫീരിയോ (1) പോഡ്കാസ്റ്റ് (1) പൌലോസ് മാർ പൌലോസ് (1) പ്രതിമകൾ (1) പ്രാക്കുളം ഭാസി (1) പ്രിയനന്ദനൻ (1) പ്രേം നസീർ (1) പ്ലാവില (1) ഫലിതം (5) ഫലിതം A FRIENDSHIP DAY DISASTER (1) ഫസ്റ്റ്ഗ്രേഡർ (1) ഫാറൂഖ്‌ കോളേജ്‌ (1) ഫിദൽ (1) ഫെമിനിസ്റ്റ് (1) ഫ്രന്‍ഡ്ഷിപ് ഡേ (1) ബഷീർ (1) ബാബ ആംതെ/ (1) ബാബുരാജ് (1) ബി.ഓ.ടി (1) ബുർക്ക (1) ബൊളീവിയ (1) ഭക്ഷ്യ അരക്ഷിതാവസ്ഥ (1) ഭക്ഷ്യ സുരക്ഷാ സേന (1) ഭാവി രാഷ്ട്രീയ അജണ്ട (1) ഭൂമിക്കൊരു ചരമഗീതം (1) മകരജ്യോതി (1) മംഗളാദേവി ക്ഷേത്രം 2001- (1) മതം (1) മദ്യപാനം (1) മമത (1) മമ്മൂട്ടി (1) മഹാസ്ഥാപനം (1) മറൂഗ (1) മാഡം കാമ (1) മാതൃഭൂമി ആഴ്ച്ചപ്പതിപ്പ് (1) മാദ്ധ്യമസദാചാരം (1) മാധവന്‍ നായര്‍ (1) മാധ്യമം (1) മാപ്പിളപ്പാട്ട് (1) മായാവതി (1) മാര്‍ക്സ് (1) മുല്ലപ്പൂ വിപ്ലവം (1) മുസ്ലീം സാക്ഷരത (1) മുസ്ലീം സ്ത്രീ സാക്ഷരതാനിരക്ക് (1) മേധാ പട്ട്കർ (1) മേഴ്സി മാത്യു (1) മൈഥിലി (1) മൊബൈൽ ഫോൺ (1) മോഹൻലാൽ (1) യൂത്ത് ഒളിമ്പിക്സ് (1) യേശുദാസ് (1) രാമനുണ്ണി (1) രാഷ്ട്രപതി (1) രാഷ്ട്രീയം (6) രാഷ്ട്രീയസദാചാരം (1) ലെനിൻ (1) ലേഖനം (12) ലേഖനം/ ഡോ വർഗ്ഗീസ് കുര്യൻ (1) ലേഖനം/രാഷ്ട്രീയക്രിമിനൽവത്കരണം/CRIMINALISATION OF POLITICS/A RAJA /KANIMOZHI/TIHAR (1) ലോക അണക്കെട്ട് കമ്മീഷൻ (1) ലോക് അദാലത്ത് (1) വടയക്ഷി (1) വന്ദേ മാതരം (1) വാർഡ് സഭ/GRAMASABHAS IN KERALA ON THE DECLINE (1) വാലന്റൈന്‍സ് ഡേ (1) വാസ്തു (1) വാസ്തുദോഷനിവാരണക്രിയ (1) വാഹനപരിശോധന (1) വി.പി.സിങ്ങ് (1) വിജയ് യേശുദാസ് (1) വിദ്യാരംഭം (1) വിന്നി (1) വിരുദ്ധോക്തി (1) വിശുദ്ധഗ്രന്ഥങ്ങൾ (1) വിശ്വപൌരന്‍ (1) വെച്ചൂർ പശു (1) വ്യാജമൂല്യബോധംപൊതുജനസേവക പ്രക്ഷേപകർ (1) ശതാഭിഷേകം (1) ശനിദോഷ നിവാരണണപൂജ (1) ശബരിമല (2) ശരീര ഭാഷ (1) ശർബാനി (1) ശവി (1) ശാർക്കര (1) ശില (1) ശുദ്ധികലശം (1) ശുഭമുഹൂർത്തപ്രസവം. (1) ശ്രീനാരായണ ഗുരു (1) ഷൈൻ (1) സംഗീതം (1) സദാചാര പൊലീസ് (1) സദാചാരാപഭ്രംശം (1) സഫലമീയാത്ര (1) സമൂഹികബോധം (1) സാമൂഹികം (3) സാമൂഹികം. (1) സാമൂഹികം.CYBER ACT IN KERALA (1) സാമൂഹികം.പന്നിപ്പനി (1) സാമൂഹികം/ ലേഖനം/ (3) സാമൂഹികം/ ലേഖനം/ അയ്യങ്കാളി നഗരതൊഴിലുറപ്പ് പദ്ധതി (1) സാമൂഹികം/ ലേഖനം/ തദ്ദേശ തെരഞ്ഞെടുപ്പ് വിധി (1) സാമൂഹികം/ ലേഖനം/ തദ്ദേശ സ്വയംഭരണസ്ഥാപനങ്ങൾ.കില (1) സാമൂഹികം/ ലേഖനം/ മദ്യപാനം/വാഹനാപകടം (1) സാമൂഹികം/ ലേഖനം/ വിവരാവകാശ നിയമം/RTI ACT:DRAFT OF NEW RULES (1) സാമൂഹികം/ ലേഖനം/ B B C (1) സാമൂഹികം/ ലേഖനം/ BENGALI MIGRANT WORKERS IN KERALA (1) സാമൂഹികം/ ലേഖനം/ COMMONWEALTH GAMES (1) സാമൂഹികം/ ലേഖനം/ FOREIGN EDUCATIONAL INSTITUTIONS BILL (1) സാമൂഹികം/ ലേഖനം/ HINDU-MUSLIM AMITY;A TRUE STORY (1) സാമൂഹികം/ ലേഖനം/ ORISSA/NAVEEN PATNAIK (1) സാമൂഹികം/ ലേഖനം/ RELIGIOUS EXTREMISTS IN KERALA (1) സാമൂഹികം/ ലേഖനം/ THE COURT AND THE PEOPLES COURT (1) സാമൂഹികം/ ലേഖനം/ THE IMPACTS OF N S S'S DECISION TO FREE THEIR EDUCATIONAL INSTITUTIONS FROM RELIGIOUS ACTIVITIES (1) സാമൂഹികം/ ലേഖനം/ VOTERS' RIGHT TO MOVE NON-CONFIDENCE (1) സാമൂഹികം/ ലേഖനം/ WHY WOMEN AND DALITS NOT BEING FIELDED FROM GENERAL SEATS IN KERALA? (1) സാമൂഹികം/ ലേഖനം/ WOMEN TO UPSET THE APLECARTS OF MANY IN KERALA (1) സാമൂഹികം/ ലേഖനം/ അമേരിക്കയുടെ വായ്പാക്ഷമത/DOWNGRADE / S AND P/ KRUGMAN/OBAMA (1) സാമൂഹികം/ ലേഖനം/ ആന (1) സാമൂഹികം/ ലേഖനം/ ആയുർദൈർഘ്യം/ മാനവ വികസന സൂചിക/ലോക ആരോഗ്യദിനം (1) സാമൂഹികം/ ലേഖനം/ കേന്ദ്ര വിദ്യാഭ്യാസാവകാശ നിയമം/RTE ACT/ന്യൂനപക്ഷസ്കൂളുകൾ (1) സാമൂഹികം/ ലേഖനം/ ഗ്രാമസഭ (1) സാമൂഹികം/ ലേഖനം/ നീതിന്യായാവകാശ നിയമം (1) സാമൂഹികം/ ലേഖനം/ പാലിയേക്കര/ടോൾ/BOT/അരാഷ്ട്രീയവത്കരണം/ചേറ്റുവ (1) സാമൂഹികം/ ലേഖനം/ പ്രവാസിത്തൊഴിലാളികൾ/ബംഗാൾ/ഒറീസ/തൊഴിൽ അല്ലെങ്കിൽ ജെയിൽ (1) സാമൂഹികം/ ലേഖനം/ ബാറ്റിസ്റ്റ (1) സാമൂഹികം/ ലേഖനം/ മാദ്ധ്യമസദാചാരം (1) സാമൂഹികം/ ലേഖനം/ മാദ്ധ്യമസാന്ദ്രത/media density/മത ന്യൂനപക്ഷ സ്കോളർഷിപ്പുകൾ (1) സാമൂഹികം/ ലേഖനം/ ലോക പൈതൃകദിനം/ബാമിയന്‍ താഴ്വര/പുരാതനം/അജന്ത/എല്ലോറ (1) സാമൂഹികം/ ലേഖനം/ ശ്രീപത്മനാഭസ്വാമി /മാർത്താണ്ഡ വർമ്മ/കാൽ കഴുകിച്ചൂട്ട് (1) സാമൂഹികം/ ലേഖനം/CUBA/POPE/FIDEL CASTRO/RAUL CASTRO (1) സാമൂഹികം/ ലേഖനം/FUKUOKA (1) സാമൂഹികം/ ലേഖനം/THE CASTE (1) സാമൂഹികം/ ലേഖനം/THE FAITHFUL AND THE DRUNKARDS (1) സാമൂഹികം/ ലേഖനം/THE FALL OF JUDICIARY IN INDIA/ILLITERACY IN JAILS (1) സാമൂഹികം/ ലേഖനം/അണ്ണാ ഹസാര/പാർലമെന്റിന്റെ പരമാധികാരം/SUPREMACY OF THE PARLIAMENT/ANNA HAZARE (1) സാമൂഹികം/ ലേഖനം/അൽ ബറാക്ക്/ഇസ്ലാമിക ബാങ്ക്/ISLAMIC BANKING IN KERALA (1) സാമൂഹികം/ ലേഖനം/ഉമ്മൻ ചാണ്ടി/ജനസമ്പർക്ക പരിപാടി/സുതാര്യകേരളം/SUTHARYAKERALAM (1) സാമൂഹികം/ ലേഖനം/കെ.ആർ.നാരായണൻ/K.R NARAYANAN/ കെ.കുഞ്ഞമ്പു/കെ.പി.എസ് മേനോൻ (1) സാമൂഹികം/ ലേഖനം/കേരള തെരഞ്ഞെടുപ്പ് 2011/ഉമ്മഞ്ചാണ്ടി മന്ത്രിസഭ/ഇ ഗവേണ്ണൻസ് (1) സാമൂഹികം/ ലേഖനം/ക്യൂബ/കാസ്ട്രോ/മാർപ്പാപ്പ/റൌൾ/ബാറ്റിസ്റ്റ/ചെഗുവരെ (1) സാമൂഹികം/ ലേഖനം/ദയാബായി/DAYABAI (1) സാമൂഹികം/ ലേഖനം/നിയമസഭാതെരഞ്ഞെടുപ്പ് /ഇലക്ഷൻ കമ്മീഷൻ /ജനാധിപത്യധ്വംസനം (1) സാമൂഹികം/ ലേഖനം/ഫിദൽ കാസ്ത്രോ/ക്യൂബ/റൌൾ കാസ്ത്രോ/ ജോസ് മാർട്ടി/ഗ്വാണ്ടനാമോ (1) സാമൂഹികം/ ലേഖനം/ബെയിൽ ഔട്ടു/ (1) സാമൂഹികം/ ലേഖനം/മുഖപ്രസംഗങ്ങൾ/ ഏജന്റുമാരുടെ സമരം/ഒപ്പീനിയൻ ലീഡേഴ്സ് (1) സാമൂഹികം/ ലേഖനം/മുല്ലപ്പൂവിപ്ലവം/സൌദി /MALE GUARDIANSHIP SYSTEM IN SAUDI ARABIA/VIRGINITY TEST ON EGYPTIAN PROTESTERS (1) സാമൂഹികം/ ലേഖനം/മൊബൈൽഫോൺ സാന്ദ്രത (1) സാമൂഹികം/ ലേഖനം/രാജ്യ സഭ/ലെജിസ്ലേറ്റീവ് കൌൺസിലുകൾ/WHO REQUIRES UPPER HOUSES? (1) സാമൂഹികം/ ലേഖനം/രാഷ്ട്രീയസദാചരം/POLITICAL MORALITY (1) സാമൂഹികം/ ലേഖനം/ലോക്പാൽ/ഇന്ദുലേഖ/ ട്രാൻസ്പേരൻസി ഇറ്റർനാഷണൽ (1) സാമൂഹികം/ ലേഖനം/വികസനം/ടോൾ/വൈപ്പിൻ/വികസനമാതൃകകൾ /ചിക്കുൻ ഗുനിയ (1) സാമൂഹികം/ ലേഖനം/വിശ്വാസവ്യാപാരം/ആദ്ധ്യാത്മിക ദാരിദ്ര്യം/ ജാതിപ്പേരുകൾ (1) സാമൂഹികം/ ലേഖനം/ശ്രീപത്മനാഭ സ്വാമി ക്ഷേത്രം/മതിലകം/കരുവാലയം/തൃപ്പടിദാനം/ (1) സാമൂഹികം/ ലേഖനം/ഷബാന ആസ്മി (1) സാമൂഹികം/ ലേഖനം/സംവരണമണ്ഡലം (1) സാമൂഹികം/ ലേഖനം/സുകുമാർ അഴീക്കോട്/OPINION LEADER OF KERALA (1) സാമൂഹികം/ ലേഖനം/സ്വകാര്യ പ്രാക്റ്റ്iസ്/ഫൂഡ് സപ്ലിമെന്റുകൾ/കേരള മാതൃക (1) സാമൂഹികം/ ലേഖനം/റേഡിയോആഡംബരങ്ങള്‍ (1) സാമൂഹികം/അയ്യങ്കാളി (1) സാമൂഹികം/ക്രിമിനൽ/ഇൻവെസ്റ്റിഗേറ്റീവ് ജേർണ്ണലിസം/ക്വൊട്ടേഷൻ സംഘം (1) സാമൂഹികം/മാർട്ടിൻ ലൂഥർ കിങ്ങ് (1) സാമൂഹികം/മുല്ലപ്പൂ വിപ്ലവം (1) സാമൂഹികം/മൂന്നാര്‍/ലേഖനം/DEATH BELLS FOR MUNNAR (1) സാമൂഹികം/ലക്ഷദ്വീപ് (1) സാമൂഹികം/ലക്ഷദ്വീപ് THE CHANGING FACE OF LAKSHADWEEP (1) സാമൂഹികം/ലേഖനം (6) സാമൂഹികം/ലേഖനം/കേരളം/M C J ALUMNI OF KERALA UNIVERSITY (1) സാമൂഹികം/ലേഖനം/റേഡിയോ/LETTERS TO RADIO (1) സാമൂഹികം/ലൈംഗികാതിക്രമം/കുട്ടികുറ്റവാളികൾ/ കൂട്ടുകുടുംബം/അണുകുടുംബം (1) സാമൂഹികം/സിംല (1) സാമൂഹികംരാവുണ്ണി (1) സാമൂഹികവിസ്ഫോടനം (1) സാമ്പത്തിക മാന്ദ്യം (1) സി.എം.എസ്‌ കോളേജ്‌ (1) സിദ്ധമതം (1) സുബ്ബലക്ഷ്മി/ചെമ്പൈ/ലേഖനം/ദേവദാസി/സദാശിവം/മീരാഭജൻ/ വൈഷ്ണവ ജനതോ (1) സുരേഷ് ഗോപി (1) സൂഫി പറഞ്ഞ കഥ (1) സൈക്കിള്‍ (1) സൈക്കിൾ (1) സൈബർ നിയമം (1) സോജ (1) സോഷ്യലിസ്റ്റ് (1) സ്കിറ്റ് (1) സ്ത്രീവസ്ത്രധാരണത്തിന്റെ രാഷ്ട്രീയം (1) സ്മരണാഞ്ജലി (1) സ്വർണ്ണക്കമ്മൽ (1) സ്വർണ്ണഭ്രമം (1) ഹാപ്പി വാലന്റൈന്‍സ്/ഹാസ്യം/VALENTINE'S DAY 2012 (1) ഹാപ്പി വാലന്റൈന്‍സ്/ഹാസ്യം/VALENTINE'S DAY 2013/SKIT/SATIRE/HUMOUR/D.PRADEEP KUMAR (1) ഹാസ്യം (21) ഹാസ്യം.ഫലിതം (3) ഹാസ്യം.ഫലിതം SATIRE (1) ഹാസ്യംഫാമിലി കോണ്ടാക്റ്റ് ഡേ (1) ഹീഗ്വര (1) ഹൈടെക് നിരക്ഷരർ (1) ഹൈറേഞ്ച് ഡ്വാർഫ് (1) ളാഹ ഗോപാലൻ (1) റഷ്യ (1) റഷ്യയിലെ ജനസംഖ്യ (1) റിവോദിയ (1) റെസിഡന്റ്സ് അസ്സോസിയേഷൻ (1) റേഡിയോ (4) റേഡിയോ സ്കിറ്റ് (1) റോഡ് സുരക്ഷാവാരം (1) റൌൾ (1) റ്റിന്റുമോൻ (1)

കേരള ബ്ലോഗ് അക്കാദമി

മലയാളം ബ്ലോഗ് കൌൺസിൽ

ഇന്ദ്രധനുസ്സ്

ബ്ലോഗ് ഹെല്‍പ്പ്ലൈന്‍

epathram.

ePathram.com